前日傍晚一塲微雨... 竟然急速地將久别嘅大彩虹引嚟同大家打個招呼咁話。

而囡囡，囝囝更無緣一睹大彩虹嘅風彩。如果嗰一刻囡囡响喥嘅話... 佢一定講：“嘩... Nim-Bor 大大隻哦... 係咪？”

 

好耐，好耐都冇拍日出咗；朝朝唔係滾水淥腳赶返工就係嗰日出唔靚。而咁難得今朝有幕靚嘅... 快快趣趣就拍底咗嘞。 

尋日就有「光與花」，今日就再下一城...嚟個「光與雲」，包你話正！喺短短嘅45分鐘內...嗰天竟然變出一幕有一幕如此美麗嘅自然景像。整個拍攝過程完全喺冇得預計，亦估計唔到嚿雲幾時會飄到想要嘅位置...然後，嚿雲又會唔會有乜變化...呢一切一切...只有等，等待只有刹那間嘅出現... 


要睇更多相，可以去呢嗰相簿 

仲記得大概一年前左右...此情此景曾經出現眼前。當時只顧住同烏啄啄揸車出去揾靚地點嚟影嗰「霧鎖楊桃嶺」，最後竟然兜兜轉轉連一張都冇影到吖！反而今次就唔出去影，而喺露台都影出去（因為要赶住返工嘛）。况且今次的霧仲多仲厚，完全犀利過上一次吖...更加完全感受到佢飄緊過嚟吖！忽然間感覺好似置身喺雲頂咁...真過瘾...

此日出曙光就有别於過往响楊桃嶺所拍嘅日出，除咗嗰啲餘揮曙光外...最為顯眼嘅就喺少咗個電訊塔幫我點敠一下囖。嗰塔？折咗好耐咗囖...一個忧攘四圍一带居民健康成十年嘅巨物又點逃避得過歲月嘅洗禮吖，最终依舊也被瓦解咗。
回看楊桃嶺呢個小山坡...的确喺一個靚地方，既可以睇日出又可以賞日落，夕陽。入夜有時更陣陣凉風微微咁敲起葉曲拌你入睡...偶然亦會聽到一點鳥語曉晨曦...之後就嚟一個清風扑面...嘩...爽吖~。哈哈，喺咪被我描述到楊桃嶺好似成個世外桃原咁呢，咁老作更要台高多少個價位嘅。所以希望可以俾多點時間去拍更多更靚嘅楊桃嶺日出日落靚景貼上嚟同大家分享，咁今次就睇住两張先喇，靚嘢喺要逐點逐點慢慢嚟睇架嘛。

 

 

好一段時間冇出去影相咗...事關要為目標而奮斗嘛。對於其他人嚟講...可能呢嗰部落格已開始末落；正當大家感到末落之際時...就带嚟一張「迷失的日落」嘅靚景...嚟同大家單聲：“克仔正在沉睡緊...” 哈哈~
影呢張日落亦喺好偶然嘅事，當上吃完晚飯而返到屋企時...眼見天空一片煙霧彌漫，正喺影「红彤彤」咸蛋黄好時機...所以一攞咗部A80同部老爺膠卷相機，之後一個快步同烏啄啄又11樓直跑上16樓...正所謂「夕陽無限好，只是近黃昏」，當跑到頂樓時更喺要把握時間响短短幾分鐘嘅黃昏猛咁攞景兼影架喇...就响氣來氣喘兼手震震嘅情况下就誕生咗呢張「迷失的日落」喇，佢有幾迷失？見仁見智嘞。

 

四月一號，一個有好多意思嘅日字...全球歡慶嘅愚人節，張國榮就係呢一日輕生而了結佢嘅一生。我亦响呢一日返老家“行清”（掃墓），亦係我第一次同烏啄啄踏入KLIA廉價航空终站！

講到呢嗰廉價航空终站就真係有啲失败！可以用一個字形容...“亂”，同富都車站有得比吖...一踏出等機閘後，你有五成機會可能上錯機艙...然後去到另一個目的地點...哈...唔係嚇你架。

至於响呢一程里面，我就响飛機冲上雲霄時影咗幾張...因為咁啱碰上日出時份兼有少少餘揮斜斜咁又機翼底缓缓响窗口投射入機，呢穜雲霄上美景我又點會放過呢。而飛機飛到一半時我就已經呼呼入睡咗，而烏啄啄就繼續拍...當已飛入沙巴领空時...突然俾我啲到一個小島，而四周圍住好多珊瑚礁...好靚。之後就一直好期待能够見到“寡婦山”又稱之為“神山”嘅亞洲第一高峰...可惜...最後...失望... 不過亦影到好幾張靚相可以同大家分享吓嘅。

 

 

 

 

 

係一個熱带雨林國家又點會有雪景呢...之但係大自然呢家嘢係好難講架，就好似尋日朝早咁吖，啲厚厚雲块响嗰山背喥缓缓咁爬出嚟所形成嗰一幕就好似一堆厚厚嘅白雪堆積响嗰山峰上。
有咗呢啲假雪山，再加上啲山嘅層次感...你，係咪感覺到整個畫面唔同晒呢？當你再细睇嗰天啲雲時...陰陰天是否又带出另一種層次感係嗰上空喥。正當天地合一嘅呢種層次感...你，會否嘆句：“真係可遇不可求吖！”...平時，你可能覺得呢個山頭又有何過人特别之處吖...但就正如李元教授（風光攝影大師）所講嘅，“其實，一般人在拍攝風光時，也許习惯性拍攝已經存在那兒的東西，但是，我却會嘗試捕捉我所看見的，屬於那個風光的瞬間，屬於它的精華。雖然是相同的地方，可是每次拍出來的圖片却不一樣。”

 

嗰朝早個天真係非常之清，清到連一嚿雲都冇吖...直頭可以用「萬里晴天」呢四個字嚟形容嗰刻嘅天氣，更可清楚遥望吉隆坡市嘅另一端吖！
正如我之前所講...既係呢個石屎森林里揾两餐晏仔吃；天時，地理，人和係好重要...往往要把握時機，好似随時候命咁...當一有靚景乍現眼前，就要毫不犹疑咁一一將佢攝入個相機...好作日後缅懷，典故一番呢一刻嘅良辰美景。所以當我係將公司啲窗簾落抵時...就俾我睇到，拍到呢張命名為「萬里晴天」嘅一幅好照片嘞。

 

一清早打開露臺諗住拍日出嘅...點解又拍日出？因為最放便嘛（打開露臺，夾啱時間...就可以roll機咗），更何况每一天嘅日出都唔一样...有時甚至有意想不到嘅收獲。
就好似今次所拍到呢一幕晨光咁吖，就犹如「風雲」漫畫中啲所唯“劍氣”...狠狠咁劃破層雲...然後急不及待咁係一道细细嘅罅喥渗出嚟，再慢慢咁射落地...哈哈...幻想力超勁兼變態...係咪有啲狂妄呢...只可惜整個構圖有啲失凖，底部啲山嘅層次唔錯...但就衰係堆好雜嘅屋喥...假如啲屋换嚟吉隆坡市中心咁就有另一番效果囖。